Kufakwe amanqaku amaninzi ngamaqela eIndustrial logo kwimpelaveki esiphuma kuyo.
INelson Mandela Bay Industrial Football Association ibhengeze iziphumo zemidlalo yempelaveki esiphuma kuyo.
IHigh – Tech Auto ingcwatywe ngamanqaku amathandathu kwinqaku elinye (6-1) yiFarvia Uitenhage, iEberspacher ibhuqe iCRH Africa ngamanqaku amathathu kwelinye (3-1).
IContinental itsale amanqaku kwiWillard-Auto X engakhange iphumelele emdlalweni, iKanu neFomoco Ford ziye zalingana ngamanqaku amabini macala (2-2).
IHeineken – Distel itsale amanqaku kwiShatterpruf Neave engakwazanga ukuzimasa lomdlalo, yona iTenneco inqunqele egoqweni iShatterfrufe Struandale ngamanqaku amathandathu kwelinye (6-1).
ICoega Dairy neDairy Group zibambene ngenqaku macala (1-1), yaze yona iForvia PE yatsala amanqaku kwiDana Spicer engafikanga ebaleni.
IBorbet ibhuqwe kanobom yiDurr Afrika ngamanqaku amane kwelinye (4-1) yaze yona iAspen neAdient PPC zadlala ngokulingana ngenqaku macala (1-1).
By Siphiwo Boqwana.