Abanye abasebenzi bezempilo kwisibhedlele iLivingstone eGqeberha bangene kuqhanqalazo lokusebenza kancinci kancinci (Go-slow) ngenxa yokusebenza ixesha elongezelelekileyo.
Oku kungqinwe sisithethi sesebe lezempilo eMpuma Koloni, uSizwe Kupelo, ocele umonde nanjengoko esi sibhedlele sisebenza ngamathambo.
Uthi ke ngoko iinkonzo ziye zachaphazeleka kancinci.
UKupelo uthi abo bathe baluqala olu hambo lucothayo baquka oogqirha, abongikazi, abathwali, abasebenzi ngokubanzi, iinkonzo zokutya, abacoci, abaqhubi nabanye.
Uthi balindele ukuba iinkonzo zibuyele esiqhelweni kwakamsinyane nanjengoko intlawulo iza kuqhutywa kwiinkqubo ezimbini ezizayo zePersal ngolwesiThathu ziphinde ziphinde zibuyele kumhla wamashumi amabini anesithathu kweyoMdumba.
UKupelo uthi ezi ntlawulo ziza kuquka nabanye abasebenzi abatyalwa ixesha elongezelelekileyo.
Ngo-2022, iKomiti yeSebe lezeMpilo ePalamente yathi isibhedlele saseGqeberha iLivingstone sikwimeko embi kwaye asifanelanga kubizwa ngokuba sisibhedlele.