By Asipile Kitchen.
Obesakuba nguMphathi kaMasipala wase-Enoch Mgijima eMpuma Kapa, uNokuthula Zondani ufunyaniswe enetyala yinkundla yorhwebo yaseMonti ngokuchasene ne-Municipal Financial Management Act (MFMA).
Eli tyala beliquka urhwaphilizo olubuyiselwa kunyaka ka-2019. Lo mba unxulumene nekhontrakthi yoomatshini eyayikhona ixesha elingangeenyanga ezingamashumi amathathu anesithandathu (36).
INkundla ifumanise ukuba wayiphinda kabini ithenda ukuqala kwi-R1.2 yezigidi ngenyanga ukuya kwi R2.3 yezigi ngaphandle kokulandela inkqubo efanelekileyo.
ISithethi se-Hawks sePhondo uAvela Fumba ulwamkele ulawulo lwenkundla.
“Emva kwenkqubo ende yovavanyo, inkundla iwuwisile umgwebo wayo kweyoMdumba umhla wamashumi amabini ananye (21), ifumanisa uZondani enetyala lokuchasana ne-MFMA. Ityala limiselwe umhla wamashumi amabini anesihlanu (25) kweyoKwindla 2025 ukuze azogwetywa ngokusisekweni.”