By Esona Magawana
Owayesakuba nguMkomishinala weeNkonzo zeRhafu eMzantsi Afrika (SARS) u-Oupa Magashula uswelekile. Oku kungokwengxelo ekhutshwe lusapho lwakhe ngorhatya lwangoLwesithathu.
Lol kaMagashula kuvakala okokuba usweleke emva kwengulo ende eleli ngandletyananye esibhedlele. UMagashula ebeneminyaka engamashumi amathandathu anesithathu (63).
Isithethi sosapho, uThebe Ikalafeng uthi, “U-Oupa Magashula uwusebenzele uMzantsi Afrika ngendlela ebalaseleyo kumacandelo abucala nakaRhulumente, kubandakanywa iindima eziphezulu kwiTelkom neSouth African Breweries (SAB), waze kamva waba nguMkomishinala wakwaSARS.” U-Ikalafeng wongeze ngelithi,“U-Oupa ebejongene nemiba emininzi yezempilo equka istrowuku, ekwahlaselwe nasisifo se ntliziyo izihlandlo ezininzi.”
Ushiya ngasemva inkosikazi yakhe nabantwana ababini. Inkcukacha ezipheleleyo ngemiba engqamene nokufihlwa kwakhe azikachazwa.