UMama walenzwakazi uthi ngomhla wesithandathu (06) kuCanzibe kulonyaka emveni wentsimbi yesine (16:00), uthe ngexesha ebuya emsebenzini ufike intombi yakhe ibhubhile egumbini layo lokulala.
“NgoMvulo ndithe xa ndibuya emsebenzini ndafika intombi yam ingqengqile ebhedini yayo, ndithe xa ndisondela ndifuna ukuthetha naye ndaqaphela ukuba ubhubhile, kwaye intlokomle yakhe inqunyulwe, isisu sigovoziwe amathumbu angaphandle”.
Ngokwengxelo yosapho, bathi uOlwethu nendoda yakhe bebekubudlelwana obunobundlobongela, ebehlukunyezwa sisnqandamathe sakhe.
Usapho lukwathe bayifumene ingxelo yokuba uMphathiswa weSebe loPhuhliso loLuntu eMpuma Koloni, uwudlulisile umyalezo wovelwano lwakhe kusapho nabantu basekuhlaleni kwaye wathembisa ukuba uzakuthumela oonontlalontle besebe baye kwelakhaya.
U-Olwethu ubengumntwana usaze ngobuso elizweni kwaye enamaphupho okuba ngumfama.