Umqeqeshi waBafana Bafana ulibhengezile iqela labadlali bethutyana ne kuzakukhethwa kubo abadlali abazakudlala belungiselela indawo kwindebe yehlabathi.
Iqela loMzantsi Afrika lesizwe lebhola ekhatywayo lilungiselela imidlalo emibini (2) yokuzibekela indawo kwindebe yehlabathi eMelika, eMexico naseCanada ngonyaka ka2026.
IBafana izakudlala neNigeria ekuhambeni iphinde idlale neZimbabwe apha ekhaya. UHugo Broos oneminyaka engamashumi asixhenxe nanye (71) ubudala ubhengeze abadlali abangamashumi amathathu anesithandathu (36).
Eli qela lesizwe lamadoda lizakuqala liqubisane neeSuper Eagles zaseNigeria kwindawo ebizwa ngokuba yi-Uyo kumabala iGodswill Akpabao. Lomdlalo ungomhla wasixhenxe (7) kwinyanga ezayo yeSilimela ngoLwesihlanu ezintsukwini. IBafana kumdlalo wesibini (2) bazakuqubisana neZimbabwe apha eMzantsi kwibala laseFreyistata eBloemfontein. Lo mdlalo neZimbabwe ungomhla weshumi elinanye (11) ngoLwesibini ezintsukwini.
Iqela loMzantsi lagqibela ukudlala eBloemfontein kwiminyaka elishumi elinesine (14) ngethuba bebetha iFrance ngamanqaku amabini kwelinye (2-1).
Abanye babadlali abafakwe kweliqela nguPercy Tau emva kokuphumzwa, umdlali omncinci oneminyaka elishumi elinethoba uRelebohele Mofokeng wePirates, uDevin Titus weStellenbosch FC, ibe nguLyle Foster nongazange avume ukudlala kwiAfrica Cup of Nations eIvory Coast nomdlali wangasemva weStellies uThabo Moloisane.
UTshepang Moreni ongumdlali waphambili eAmazulu naye ubiziwe. Koonozinti nguVeli Mothwa, uBruce Bvuma, uRicardo Goss noRonwen Williams.
Abadlali bangasemva abakhoyo nguThabiso Monyane, uNkosinathi Sibisi, uTerrence Mashego, Grant Kekana, Innocent Maela, uSiyabonga Ngezana, uKhuliso Mudau, Sydney Mobbie, Given Msimango, Mothobi Mvala, uAubry Modiba, uTapelo Xoki
UBathusi Aubaas, uTeboho Mokeana, Siphephetho Sithole, Grant Margeman, Jaydan Adams.
Abadlali baphambili nguThemba Zwane, Patrick Masangwanyi, uMlondi Mbanjwa, uElias Mokwana, Omini Appollis, Evidence Makgopa, uIqraam Rayners.
By Siphiwo Boqwana.