By Nyameka Lamani
UCedrick Nkabinde, ebeqhuba nobungqina bakhe phambi kwekomiti yethutyana izolo ngomhla weshumi elinethoba kweyeNkanga ka 2025.
Ukubuya kwekomiti ekhefini, uNkabinde ukhawuleze wathetha namalungu, ediza ukuba umphandi wasenkundleni uPaul O’Sullivan umthumelele imbalelwano emgrogrisayo ngethuba esitya ngexesha lokumiswa kwentlanganiso.Emva koko wafundela ngaphandle imbalelwano, ebangele ukuba u-O’Sullivan agwetywe kwangoko kwikomiti.
Ihamba ngoluhlobo imbalelwano eyayiqinisekisa ukuba uNkabinde uza kuhlawula ityala lakhe,“Zilungiselele, sikhohlakali sexoki, ndiza kuqinisekisa ukuba uchitha iminyaka entolongweni. Wanyotywa nguMkhwanazi noMapula.”
Ilungu le-EFF uLeigh-Ann Mathys uthe akukho kokuqala u-O’Sullivan ethumela umyalezo ogrogrisayo,nangonyaka ka 2018 wayenze ngoluhlobo kumalungu epalamente kwikomiti yemicimbi yamapolisa.