By Lilitha Phenduka.
Ngokweenkcukacha-manani zoMzantsi Afrika (Stats SA) ukunyuka kwamaxabiso kubathengi bekuyi-3,2% ngenyanga yoMqungu, inyuke kancinane ukusuka kwi-3,0% kwinyanga yoMnga ka-2024.
Inkcazo yexabiso labathengi ngenyanga yoMqungu (CPI) yokutya kunye neziselo ezinotywala zande nge-2,3% kwiinyanga ezilishumi elinesibini (12).
Ukunyuka kwamaxabiso kwenyama, iziqhamo kunye namandongomane, iswekile, kunye nezimuncumuncu, intlanzi kunye nokunye ukutya kwaselwandle kunye nobisi, ezinye iimveliso zobisi kunye namaqanda kuye kwacotha.
Izinga eliphezulu lokunyuka kwamaxabiso nazo zirekhodwe kwiimveliso zokutyaa kwakusasa, iziselo ezishushu, iziselo ezibandayo, i-oyile namafutha kunye nemifuno. I-Stats SA ithe amaxabiso enyama ebekumyinge we-0.5% ngaphantsi kweyoMqungu ka-2025 xa kuthelekiswa neyoMqungu ka-2024.
Amaxabiso eemveliso zeesiriyeli anyuke nge-3.8% ngonyaka ukusuka kwi-3.7% kweyoMnga. Amaxabiso ombona anyuke nge-4,8% phakathi kweyoMnga neyoMqungu, ethatha iqondo lonyaka ukuya kwi-10.1%.
Kwaye unyuso lomngqusho ngonyaka ubeyi-15,4%. Ngokwahlukileyo, amaxabiso ehle kuzo zombini ezimhlophe (-0.7%) kunye nesonka esimdaka (-0.5%).
Ukunyuka ngonyaka kwisonka esimweke kube yi-1.9% kwaye isonka esimdaka nge-1.0%.
I-Stats SA ithe ukunyuka kwamaxabiso kwiziselo ezishushu kuhlala kuncangathi kumanqanaba aphezulu. Iphondo leMpuma Kapa libhale isantya sokunyuka kwamaxabiso esikwi-3.4% unyaka nonyaka kweyoMnga.