By Asemahle Mbete.
USekela Mongameli uPaul Mashatile uzibophelele ngokuphumeza amanyathelo okuthintela urhwaphilizo ekubeni luchithe iNgxowa-mali yoTshintsho.
INgxowa-mali ecetywayo ijonge ukunyusa ikhulu leebhiliyoni kule minyaka mihlanu izayo, kunye neminikelo evela ngokuzithandela evela kumacandelo karhulumente nawabucala. Amanye amaqela aphikisayo avakalise inkxalabo, esoyika ukuba le mali inokubiwa ukuba akaphunyezwanga amanyathelo okulwa urhwaphilizo.
Eyona njongo yengxowa-mali ye-R100 yeebhiliyoni kukuxhasa amashishini yabantu abamnyama nokomeleza indima yawo ekuqhubeni ukukhula koqoqosho lweli lizwe.
Ethetha kwisidlo sakusasa soshishino ePitoli ngoMvulo, uMashatile ugxininise ukuba iNgxowa-mali yoTshintsho kufuneka ifezekise injongo yayo kwaye ingabinarhwaphilizo.
“Asizukulufumana uqoqosho olubandakanyayo ukuba nje urhwaphilizo lusaqhubeka, kurhulumente namashishini abucala.
“Ukukhuthaza uqoqosho olubandakanyayo, kufuneka sizibophelele ekujonganeni norhwaphilizo ngokomeleza amaziko ethu, ukukhuthaza ukuba kungakhuselwa abantu aba bandakanyekayo, kunye nokukhuthaza uthethathethwano nabemi. Oku kubandakanya ukuphuhlisa nokuphumeza izikhokelo zokulwa urhwaphilizo, ukomeleza inkqubo yethu yobulungisa kulwaphulo-mthetho, kunye nokukhuthaza intatho-nxaxheba yoluntu kunye nokongamela,” ucacise watsho.