By Sophumelela Singqota.
Kulo nyaka, abaququzeleli babambe umsitho wamabhaso ngobusuku obubini kwiTheatre yaseJoburg, besahlula kwiiMbasa zeVanguard kunye noMculo.
U-DJ ophumelele imbasa, umsasazi kanomathotholo weMetro FM kunye nosomashishini uLerato Kganyago uye wabamba iimbasa zomculo kwaye wabhalisa umyili wakhe amthandayo.
Iivoti zoluntu zamisela abaphumeleleyo kula mawonga, kwaye abalandeli baqinisekisa ukuba abo babathandayo abagoduki belambatha.
OwabayiNkwenkwezi yeSine kwinkqubo ethi “Big Brother Mzansi”, uLiyema Pantsi, nosungule umsebenzi wakhe womculo emva kokuphuma kwakhe kukhuphiswano, uhambe namawonga amabini: Intsebenziswano yoNyaka kunye noMbhali weeNgoma weSAMRO woNyaka.
“Ndongamelwe yimizwa… Bendingazi ukuba ndiza kuphumelela. Enkosi kakhulu. Thixo, oku bekungeke kwenzeke ukuba bekungengenxa yakhe.
“Intombazana ephuma kwidolophu encinci, eQonce, iza eRhawutini izophithizela yenze lo mculo. Oku bekungalindelekanga. Le yeyedolophu yakowethu, le yeyamantombazana anetalente kwaye ayaziyo, enza konke anako,” utshilo uPantsi.
UmRapper kunye nomlawuli oyilayo uNomuzi “Moozlie” Mabena uye wahamba nembasa ebimfanele iGcisa eliGqwesileyo loNyaka. IHolo yonke yagqabhuka abantu bekhwaza igama lakhe njengoko kwakubhengezwa abo batyunjiweyo nabaphumeleleyo.
INkwenkwezi yeLimpopo Lekompo, uKharishma, usaqhubeka nokungqina ukuba ulapha ukuze ahlale kushishino lomculo. Uphumelele iVidiyo yoMculo yoNyaka, kwaye ngelixa engazange alamkele ibhaso lakhe, wawusonga umboniso ngomdlalo omangalisayo owawunesihlwele ezinyaweni zabo.
Umculi uBabalwa M yena, odlale kumawonga eVanguard nakumawonga oMculo ugoduke nembasa ebimfanele ye-Amapiano Artist of the Year.
UZee Nxumalo yena wamkele iwonga lakhe lokuba nguMculi woNyaka kunye neqela lakhe lonke. Umdlali obetha u“Ngisakuthanda” ebesoyika njengoko wayesamkela ibhaso lakhe kwaye wababulela bonke abalandeli bakhe ngokumvotela.