Iphantsi kophando ithenda yamanzi exabisa i-R1.6 yezigidi kuMasipala weSithili saseJoe Gqabi emva kokuba abasemagunyeni betyhola ukuba imibhobho yamanzi ivunyiwe ukuba ihlawulwe nangona ingaziswanga.
Lethenda yapapashwa ngenyanga yoMnga ngonyaka ka-2019 yokubonelela nokufakela imibhobho yamanzi kuluntu lwase-Ugie.
Ikhontrakthi yanikwa iVukabalele Trading CC. Ngokwengxelo yebutho lookhetshe, amagosa kamasipala kuthiwa avumile amanqaku okuhanjiswa kunye nee-invoyisi nangona imibhobho ingazange ihanjiswe.
Umasipala emva koko kutyholwa ukuba wahlawula umboneleli wenkonzo ngokupheleleyo.
Kusenjalo abaphandi bakwahlola iintengiselwano zemali ezinxulumene nethenda. IiHawks zikholelwa ukuba enye yemali isenokuba inxulumene nokuhlanjwa kwemali kunye nokutyebisa ngokungekho mthethweni.
Uphando lukhokelele ekubanjweni kukaDumisani Lusawana oneminyaka engamashumi amahlanu ananye (51) ubudala, umphathi kwiSebe leeNkonzo zaManzi noCoceko kumasipala.
ULusawana ubanjwe ngomhla wesithathu (3) kweyoMsintsi ka-2026 waza wavela okwethutyana kwiNkundla kaMantyi yaseBarkly East.
Unikwe ibheyile ye-R5,000 kwaye kulindeleke ukuba abuyele enkundleni ngomhla wesisixhenxe (7) kweyoMsintsi 2026. Kulindeleke ukuba avele kunye nabamangalelwa kunye naye.
Kulindeleke ukuba eli tyala lidluliselwe kwiNkundla yeSithili yase-Elliot.
IiHawks ziqikelela ukuba umasipala ulahlekelwe yimali engaphezulu kwe-R1.6 yezigidi.