Umongameli uCyril Ramaphosa uthi ilizwekazi le-Afrika kufuneka liphelise ubudoda kunye nezithethe zakwantu apho amakhosikazi namantombazana bengahlonitshwa.
Uthi le ndlela yokuziphatha ikhokelele kubundlobongela obujoliswe kwabona bantu basesichengeni kwaye kufuneka iqwalaselwe ngokubandakanya amadoda namakhwenkwe ekupheliseni ubundlobongela obusekelwe kwisini.
Esenza intetho kwinkomfa yaMadoda yeMbumba ye-Afrika ePitoli, uMongameli Ramaphosa umemelele amadoda ukuba abe ngabantu abangcono.
“Asinakuluqonda uluntu olungenabundlobongela obujoliswe kwabasetyhini kunye namantombazana ngaphandle kokubuza ngokunzulu oko umntu anokukubiza ngokuba ziingqikelelo malunga ne-patriarchy yamadoda kunye nesini. Zezi ngcinga kwaye kwezinye iimeko izithethe zikhokelela abafana namakhwenkwe ukuba bakholelwe ukuba abafazi bafanelekile ukuba abanaxabiso.
URamaphosa uthi nangona amadoda engawona nobangela wokuxhatshazwa kwamanina namantombazana, ngamadoda anamandla okuzisa utshintsho olufunekayo.
“Umanyano, ukuzithemba, ukuzimela, inkululeko, inkqubela phambili, impumelelo esizama ukuyifikelela phantsi kwesicwangciso sika-2063 ye-AU ijongelwa phantsi bubundlobongela obusekelwe kwisini. Ubundlobongela obunjalo buphelisa impumelelo yethu, budodobalisa uphuhliso lwelizwekazi lethu, kwaye bushiya ngaphezu kwesiqingatha sabemi baseAfrika bekwimo yonxunguphalo noloyiko.”