By Karabo Zwane
UMphathiswa wamaPolisa obambeleyo u-Firoz Cachalia, uqinisekisile ukuba amajoni oMkhosi woKhuselo woMzantsi Afrika, i South African National Defence Force (SANDF) aza kuthunyelwa kumaphondo achaphazelekileyo lulwaphulo-mthetho kwiintsuku ezili-10 ezizayo, njengoko urhulumente eqinisa iinzame zokuzinzisa uluntu kwindawo ezichaphazelekayo.
UCachalia uthe esi sicwangciso sokuqulunqa nokuthumela amajoni sigqitywe emva kwentlanganiso ephakamileyo phakathi koMkomishinala weSizwe wamaPolisa aseMzantsi Afrika, i South African Police Service (SAPS) kunye neNtloko yoMkhosi. Ukuthunyelwa kulindeleke ukuba kuqale kungekudala, kwiintsuku ezili-10 ezizayo.
INtshona Koloni neMpuma
Koloni zibalwe phakathi Kwamaphondo Achaphazelekayo
UMphathiswa uqinisekisile ukuba i Eastern Cape iphakathi kwamaphondo aza kufumana uncedo lweSANDF, njengoko eli phondo lithwaxwa kakhulu lulwaphulo mthetho olunobundlobongela, nto leyo ebangele uloyiko nokungazinzi kuluntu.