URhulumente wePhondo leMpuma Koloni (ECPG) namhlanje uza kubamba intetho yesikhumbuzo ngobomi kunye nelifa likaNkosi Jongumsobomvu Maqoma eza kube iqhutywa nguNjingalwazi uSomadoda Fikeni eMngqesha komkhulu eQonce.
UNkosi Maqoma wayeyeyona nkosi idumileyo yamaXhosa kwiimfazwe zenkulungwane ye-19 (19th Century) eMzantsi Afrika. Wabulala igosa eliphezulu laseBritani uColonel John Fordyce ngexesha leMfazwe yaseMlanjeni. UNkosi Maqoma emva koko wavalelwa eRobben Island amatyeli amabini kuba engayekanga ukulwela umhlaba wooyise. Le ntetho yesikhumbuzo iyinxalenye yemeko ebanzi yokubhiyozela isikhumbuzo seminyaka elikhulu namashumi amahlanu yokubhubha kukaNkosi Maqoma kunye nokwakhiwa koSuku lweLifa leMveli oluya kubhiyozelwa kamva eKomani ngomhla wama-24 kweyoMsintsi ngowama-2023.
Kusenjalo kwintetho yokuba iphondo ngoFebruary, inkulumbuso yephondo leMpuma Koloni u Oscar Mabuyane wabalula ukuba phantsi komanyano loluntu kulo nyaka liza kube likhumbula iiMfazwe zeFrontier kwiinzame zokubhiyozela iinzame zobugorha zeenkokeli zemveli ezazisilwa ngokungayekeleliyo ngokuchasene namakoloniyali ukukhusela umhlaba.