USekela Mphathiswa wezeMali omtsha uAshor Sarupen ufungile izolo ukuba uzakubek’ iliso elibukhali kuNondyebo weSizwe, ukuze aqinisekise ukuba urhwaphilizo luyanqandwa.
USarupen, ophuma kumbutho iDemocratic Alliance (DA), uyinxalenye yamalungu angamashumi asixhenxe anesithandathu (76) wesigqeba esandula ukuqeshwa kwiNational Executive efungiswe izolo.
Kwiminyaka engamashumi amathathu anesithandathu (36) ubudala, ukwangomnye wawona malungu mancinane eNdlu yoWiso-mthetho.
USarupen uthi, owona mceli mngeni mkhulu ngowokuba ngelixa iSebe lezeMali lilawulwa kakuhle, amanye amasebe afumana imali kuNondyebo aze ayisebenzise kakubi. Ngoko ke kumalunga nokufumana iinkqubo ezifanelekileyo endaweni yokuqinisekisa ukuba inkcitho ayenzeki kwaye imali ayikhutshelwanga kwiiprojekthi. Uthi bayazi ukuba kukho urhwaphilizo olucwangcisiweyo kurhulumente.