Iindlela eziliqela ebezivaliwe kwidolophu yaseMthatha sele ziphinde zavulwa sithetha nje, ekuquka kuzo uhola wendlela u-N2.
Ukanti abakwasidlodlo besekulendawo ukubeka iliso nokugcina ucwangco. Nangona kunjalo amalinge okugcina ucwangco awawazalanga amathokazi nanjengoko kuphume iingxwelerha, nanjengoko kubekho ukuthubulama phakathi kwamapolisa kunye namadoda amahlanu ebexhobe ef’amacala.
Isithethi sesebe lezothutho ephondweni ngu Unathi Binqose uthi kulomadoda amahlanu isibini kubo singxwelerhekile. Esithi ke ekugqibeleni omahlanu loomadoda anqakulwe aphoswa ngapha kwezitshixo. Esithi phakathi kwezinye zezinto ebizingunqantsonqa, ngabantu abebezithaphulela kwizigadla ezidlula ngendlela.
“Okukhuthazayo ke kukubona ukuba kukhona okwenziwayo ukubuyisa ucwangco” uvale ngelitshoyo uBinqose kwingxelo yakhe