By Esona Magawana
Owayesakuba nguMphathiswa wamaShishini oLuntu uMalusi Gigaba kulindeleke ukuba arhoxe kumsebenzi we-ANC emva kokuchongwa ngokusesikweni ngorhwaphilizo oluyanyaniswa neprojekthi yokuthengwa kukaloliwe kwaTransnet exabisa iR54 bhiliyoni.
UGigaba uvele ngokufutshane kwinkundla kamantyi yasePalm Ridge ngoLwesibini, nalapho
kuqinisekisiweyo ukuba ungumtyholwa wesihlanu kweli tyala. Lo mba uhlehliselwe umhla we-30 KweyoMqungu 2026 ukuze kubhengezwe idokethi zekufakwe izimangalo ezisemthethweni.
Ezi ntlawulo zinxulumene neethenda ezintathu zikaloliwe ,95,100 kunye ne-1,064 yeeyunithi ezinikezelwe phakathi konyaka ka 2010 no2014.
UGigaba ujoyina uBrian Molefe, Siyabonga Gama, Anoj Singh noThamsanqa Jiyane, ababanjwa ekuqaleni kwalo nyaka bakhululwa ngebheyile,kwaye naye ukhululwe ngesilumkiso.
UNobhala Jikelele we-ANC uFikile Mbalula uthe umbutho ulindele ukuba uGigaba athobele umgaqo othi makabeke ecaleni, ovalela amalungu ukuba athathe inxaxheba kwizinto zombutho.
“Ukuba uMalusi utyholwa ngobuqhophololo kufuneka arhoxe, uya kuyenza loo nto ngokuzithandela,” utshilo uMbalula ngethuba ethetha noonondaba, esithi lo mbutho ulindele imbalelwano esesikweni evela kuGigaba.