Amapolisa aqalise uphando emveni kokuba kuvulwe ityala lokonakaliswa kwesakhiwo yiDyunivesithi yaseFort Hare izolo, oku kulandela isiganeko sokutshiswa kwenye yezakhiwo ngoMvulo. Ngokwengxelo amapolisa, akukabikho mrhanelwa ubanjiweyo okwangoku malunga nalo monakalo
Basemkhumbini kwinkundla yamatyala kaMantyi abafundi abathathu (3) be Dyunivesithi yase Fort Hare eDikeni ngezithyolo ezahlukileyo eziquka ukuphembelela udlame esidlangalaleni.
Isithethi samaPolisa uLieutenant Colonel Siphokazi Mawisa uthi amapolisa abambe abarhanelwa abahlanu(5) ngoMvulo, nabathathu (3) ngoLwesibini.
Bavele kwinkundla yamatyala kaMantyi izolo abahlanu, ze ityala labo larhoxiselwa umhla wamashumi amabini anesithandathu(26 November). Omnye wabarhanela usachacha esbhedlele ngenxa yomonzakalo.
Ukanti abathathu(3) abarhanelwa aba banjwe ngenjikalanga yayizolo, balindeleke ukuba bavele phambi komantyi namhlanje.
Basibhozo bebonke(8) ukuzokuthi ga ngok abafundi ababanjiweyo kuqhanqalazo kwizithyolo ezahlukileyo.
Isikhokhelo sale Dyunivesithi sikhuphe isibhengezo sokumiswa kokufunda nokufundisa ngenxa yophazamiseko olubangwe lolugwayimbo.