uMphathiswa wesebe lezeMfundo esisiSeko kweli uNkos. Angie Motshekga, ebebambe ibrakfesi yokuwongwa kwabafundi abaqhube kakuhle kambe begqwesa kwizifundo zabo zebanga leshumi(Grade 12) eRhawutini namhlanje. Oku kuphambi kokuba zibe ziyabhengezwa ngokusesikweni iziphumo zebanga leshumi leshumi kumajelo osasazo.
Umphathiswa uncome abababafundi ngokuzimisela nanjengoko bebefunda phantsi kweemeko ezinzima ebezidalwa luphazamiseko lwentsholongwane yeCovid 19. Uthi ukupasa kunyaka ka2021 kuthetha okukhulu nanjengoko befunde phantsi kweemeko ebezingaqhelekanga.
Ukwabulele nabafundisi ntsapho ngokusebenzisana nabantwana kwaye beqinisekisa ukuba babuya neziphumo ezihle. Eziziphumo kulindeleke ukuba zisasazwe ngentsimbi yesithandathu(6pm) malanga namhlanje.
Isebe lezemfundo likwajongene nemiceli mngeni yokukhulelwa kwabantwana ezikolweni kwaye eliSebe liyalele izikolo ukuba zizichaze iziganeko ezikumila kunje ukuze zaziwe lisebe.