Emva kokubhengezwa kweqela leqakamba loMzantsi Afrika iiProteas uMiller noKlassen babuyele kweliqela leT20I nelizakuqubisana neqela leqakamba laseIndia.
Umqeqeshi webhola emhlophe iRob Walters utyumbe abadlali abalishumi elinesithandathu(16) nelizakudlala imidlalo elithotho kwiT20I neqela keIndia.
Ubuyele kweliqela uKhashaw Maharaj, uHeinrich Klaasen noDavid Miller. Umdlali odlala yonke indawo weWestern Province uMihlali Mphongwana nomdlali oqalayo ukuchongwa weeDolphins uAndile Simelane naye odlala yonke indawo bachongwe okokuqala(1) kweliqela, omnye owongeziweyo nguLutho Sipamla weeLions.
UKagiso Rabada yena uphunyuziwe aze yena uLungi Ngidi angabikho usenza amalungiselelo phambi kwemidlalo yovavanyo neqela leqakamba iSri Lanka.
Lemidlalo yeT20I neIndia uzakuba ngomhla wesibhozo(08) kwakulenyanga imiyo ukuya kumhla weshumi elinesihlanu(15). UMarco Jansen noGerald Coertze babuyile nabo kweliqela.
Naba abadlali abachongiweyo nguAiden Markram oyinkokheli yabadlali nosuka kwiiTitans, ibe nguOttineil Baartman weDolphins, uGerald Coetzee weTitans, uDonavan Ferreira weTitans, uReeza Hendricks weLions , uMarco Jansen weNorth West Dragons, Heinrich Klaasen weTitans, Patrick Kruger weWarriours, uKashaw Maharaj weDolphins, uDavid Miller weDolphins, uMihlali Mpongwana weWestern Province, uNqaba Peter weLions, Ryan Rickelton weLions, uAndile Simelane weDolphins, uLutho Sipamla we3rd and 4th T20I Lions noTristan Stubbs weWarriors.
Iqela labadlali beT20I liqalisile ukuzilolonga izolo ngoMvulo umhla wesine(04) eDurban.
UMarkram, uMaharaj, uStubbs noRickelton baseBangladesh kumdlalo oqhubayo wovavanyo, bona bazakuzi bandakanya neliqela ngomso umhla wesithandathu(06) ngoLwesithathu ezintsukwini.
Umdlalo wokuqala(1) weeProteas neIndia weT20I uqala ngomhla wesibhozo(08) kule nyanga sikuyo ngentsimbi yesihlanu(17h00) kumabala iKingsmead eDurban.
NgeCawa umhla weshumi kule nyanga kumabala iSt George’s Park eGqeberha eCentral ngentsimbi yesine(16h00) emva kwemini
Ngolwesithathu umhla weshumi elinesithathu(13) kwakulenyanga ngentsimbi yesihlanu(17h00) lamaqela adlale eSuperport Park eCenturion ePitoli
Ngomhla weshumi elinesihlanu(15) kwakulenyanga ngoLwesihlanu ezintsukwini adlale lamaqela ngentsimbi yesihlanu(17h00) badlale eWanderes eRhawutini
By Siphiwo Boqwana