Emva kokuthelekiswa kwamaqela ebhola ekhatywayo amane(4) ashiyekileyo nathe abhunca kumaqela asibhoxo(8) okugqibela kuye labhengezwa nebala ekuzakuthi kudlalelwe kulo amagqibela kankqoyi yendebe iCarling Knockout.
Adlalile amaqela kwimpelaveki esiphuma kuyo kwitumente yeCarling kumaqela asibhozo(8), iMarumo Gallants ikhuphe abakhuseli balendebe yeCarling iStellenbosch ngethuba bephumelela ngenqaku elinye eqandeni(1-0).
iMagesi iqela elitsha nelifikayo kumaqela angoompondo zihlanjiwe lona likhuphele ngaphandle iTS Galaxy ngenqaku elinye kwiqanda(1-0). Kwelinye icala iMamelodi Sundowns izibethele iKaizer Chiefs iyikhululisa iijezi ngamanqaku amane kwiqanda(4-0).
Amaqela amane(4) angene kumandulela kamagqibela kankqoyi yiMagesi, iSundowns, iRichards Bay neMarumo Galants. IMamelodi Sundowns izakuthathana neMarumo Gallands ize yona iMagesi iqubisane neRichards Bay.
Amagqibela kankqoyi wendebe iCarling Knockout kwisizini ka2024/25 azakubanjelwa kumabala aseBloemfontein eToyota kwiCity of Roses kwiphondo laseFreyistata ngomhla wamashumi amabini anesithathu(23) kwakulenyanga sikuyo kuzakube kungoMgqibelo ezintsukwini.
Lamaqela ebhola ekhatywayo azakudlala kumandulela kamagqibela kankqoyi alindele ukunikwa imihla neendawo namaxesha azakudlala ngawo.
By Siphiwo Boqwana