Ibhengeziwe imidlalo, amaxesha nemihla ekuzakudlawa ngayo iMTN8 yiPSL.
IPirates izakukhusela indebe yayo yokuvula isizini iWafa- Wafa.
Ibhengeziwe imidlalo ye-MTN8 yi-Premier Soccer League nezakudlalwa ngamaqela asibhozo (8) ngomhla wesithathu (03) kweyeThupha ukutsho oko kwinyanga ezayo.
IMTN8 yaziwa njenge ngabula’ zigcawu kwibhola ekhatywayo yoMzantsi nezakuthi idlalwe ngomhla wesithathu (3) nangomhla weshumi kwinyanga ezayo yeThupha nalapho kuzakube kudlalwa amaqela asibhozo (8) umlenze omnye.
Amandulela wamagqibela kankqoyi wona adlalwa ngomhla wamashumi amabini anesine (24) nomhla wamashumi amathathu nanye (31) kweyeThupha nalapho kuyakudlalwa imilenze emibini.
Amagqibela kankqoyi walendebe abekelwe umhla wesihlanu (05) kwinyanga yeDwarha kulonyaka. Abakhuseli balendebe i-Orlando Pirates izakuqalisa ukuyikhusela kwiqela laseTshwane iSupersport United kumabala ase-Orlando.
IPirates yabetha iSundowns ngamanqaku amathathu kwelinye (3-1), nalapho laye iBhakajuju laphumelela nendebe yeNedbank.
Nantso imidlalo yeMTN8 yale isizini iPirates iqubisana neSupersport United ngomhla wesithathu (3) kweyeThupha ngentsimbi yesithandathu (18h00) malanga kumabala ase-Orlando, eSoweto.
IStellenbosch izakuqubisana neTS Galaxy eDanie Cravem ngentsimbi yesithathu (15h00) emva kwemini ngomhla wesine (04) kweyeThupha ngeCawa ezintsukwini.
ISekhukhune United izakwamkela iCape Town City kumabala iNew Peter Mokaba ngentsimbi yesithathu (15h00) emva kwemini ngomhla weshumi (10) kweyeThupha ngoMgqibelo ezintsukwini.
IMamelodi Sundowns yona ihlinzeka iPolokwane City kumabala iLucas Moripe ngentsimbi yesithathu (15h00) emva kwemini ngeCawa ezintsukwini umhla weshumi elinanye (11) kweyeThupha.
By Siphiwo Boqwana