Owayesaku dlalela iCeltics, Royal AM ne-Orlando Pirates uMasuku ukwi-Arrows ngoku.
ILamontville Golden Arrows yaKwaZulu Natala yazise ngokutyikitya kwabo umdlali wesibini ukulungiselela isizini ezayo.
Abafana besithende batyikitye uMenzi Masuku nobesakudlalela iqela leRoyal AM, ukhumbule ukuba uMasuku wayedlalela iBloemfontein Celtic waze wawelela kwiRoyal AM emva kokuba umaMkhize ethenge iCeltics.
UMenzi ushiye iThwihli Thwahla simahla emva kokuphela kwesivumelwano kunjalo nje akafuna ukuhlala. Lo mdlali wayesakuba ngumdlali we-Orlando Pirates.
Emva kokuba yabhengeza ngokutyikitya uKeegan Allan I-Arrows ngoku ibhengeze umdlali wesibini onguMenzi Masuku ukulungiselela isizini ezayo.
Ukhumbule ukuba i-Arrows iphulukene nomqeqeshi wayo uSteve Kompela nobuyele kwiSundowns njengosekela mqeqeshi.
By Siphiwo Boqwana