Umbutho wabafundi eMzantsi Afrika-(SAUS) ubongoze abafundi ukuba bafake izicelo zenkxaso-mali kaNSFAS ngokukhawuleza bangalindeli iziphumo zebanga leshumi phambi kokuba bafake izicelo.
Umhla wokuvalwa kwe-NSFAS wezicelo zowama-2024 ngowama-31 kuJanuwari. Isithethi seSAUS uAviwe Dlanjwa uthi le nkqubo iyaziwa ngokuwa xa ifumana izicelo ezininzi ngaxeshanye.
“Uninzi lwabafundi abaphumelele imatriki bebelindele iziphumo zabo ukuze bajonge ukuba baphumelele na okanye batshonile, sithi bazakushiyekelwa yiveki kuphela ukuba bafake izicelo.
Ke sithi mabafake izicelo ngoku. Akukho nto kwesi sicelo efuna ukuba uzazi iziphumo zakho, ufaka isicelo usebenzisa inombolo yesazisi sakho neyabazali bakho yiyo yonke into efunekayo,” utshilo uDlanjwa.