Ikwisikolo samabanga aphantsi i-Sithanda Sinako eKomga abafundisi-ntsapho bewile namhlanje ekuseni esikolweni. Kusuku olungaphambili kuvakala ukuba ababafundi bebengenwe yinto nekukholeleka ukuba yimimoya engendawo de bawa ngelixa abanye besiwe kumaziko ezempilo ekuhlaleni.
Ngokwengxelo yencwadana ebhalwe nguPetros Majola weKhula Development Project isiya kwabasemagunyeni kwiZiko lezemfundo ukuze kukhawulezwe ukusabela lemeko uthi ubongoza uMphathisw uFundile Gade ukuba angenelele ukuqwalasela lemeko kwaye ancede khe anqumamise ukufunda ityhutyana ukuze abakwalizwi khe bangene ukuthandaza kugxothwe lemimoya.
Kukwavakala ukuba ngale ntsasa isikolo kunye nabazali bagqibe ukuba babeke iidesika ngaphandle ukuphepha ukugcina abantwana ngaphakathi njengoko besoyika oluhlaselo lwemimoya engendawo, ngelixa belinde uqalisa iimviwo, ootitshala nabo baqala ukubona iziporho kwaye bawa. Bathathu ootitshala abawileyo.
Kubongozwa isebe lezemfundo eMpuma Koloni ukuba lithathelo ingqalelo ukunqunyanyiswa kokufunda lo gama kusathetha-thethwana nebhunga lamabandla okanye naliphi na icandelo lezenkolo ukuncedisana.