Abahlali baseNompumelelo naseDucats eMonti bakhalaza ngamanzi angakhuselekanga abawafumana kwiziza zikamasipala waseBuffalo City emva kwengxaki yamanzi.
Oku kuza emva komonakalo kwimibhobho ehambisa amanzi kwezi ndawo zimbini liqela lemigulukudu elityholwa ngokuqhawula iintambo nezixhobo zokuhambisa amanzi khonukuze aye eluntwini .Omnye wabahlali, ongafunanga ukuchazwa ngegama, uthe lamanzi amdaka kwaye abenza babenezifo.
Uceba wale ndawo uNwabisa Mncwabeni uthi baxakekile bazama ukulungisa umonakalo bekunye neqela lenkonzo yamanzi kumasipala waseBuffalo City. UMncwabeni uqhube wathi oku kuchaphazela izikolo, amaziko ezempilo, amashishini noluntu ngokubanzi, kwaye bakwiphulo lokufakela kwamatanki kwiindawo ngeendawo ukuze abantu baxhamle ngelixesha kusalungiswa umonakalo.
