UMphathiswa weSebe lezoPhuhliso lwamaPhandle noHlengahlengiso lwezoLimo (DRDAR) waseMpuma Koloni uNonkqubela Pieters, unike amashishini labalobi abakhasayo intshinga xa enikezela ngezixhobo zokuloba ezifuneka ngamandla kummandla wasePort St Johns.
Eli phondo linamashishini okuloba angamashumi asixhenxe anesihlanu (75) anamalungelo okuloba kodwa uninzi lwawo alukwazi ukuvuna ubuncwane baselwandle ngenxa yokungoneli kweziseko zoncedo, izixhobo zokuloba kunye nezixhobo zokusebenza.
Kunyaka-mali ka-2023/24, isebe lifake isixa-mali esilingana nesigidi esinye namakhulu asixhenxe amawaka (R1.7 million) sotyalo-mali ukuqalisa inkxaso kookopolotyeni abasakhasayo kumanxweme ephondo njengenxalenye yokuqhuba iinkqubo zophuhliso lwezolimo. Le nkxaso izakuxhamlisa ookopolotyeni abaHlanu (5) nabalobi abalikhulu elinamashumi nantlunu (195) kumasipala wesithili i-OR Tambo, Amathole kunye neAlfred Nzo.
Njengabagcini beenkqubo zoPhuhliso lwasemaPhandleni kunye noHlaziyo lwezoLimo kwiphondo, iSebe libeka phambili ukuxhasa uluntu olwaluhlelelekile ngaphambili kunye nabantu ngabanye ngezixhobo ezifanelekileyo zokuloba kunye nezixhobo zokuphucula ubomi babo.
Amashishini okuloba aza kufumana ezi zixhobo kuMEC uPieters, ngabo banemvume yokuloba abakhasayo abafumene iimpepha-mvume zabo zokuloba njengenxalenye yeenzame zangabom zikarhulumente zokuqinisekisa ukuba banezixhobo ezifanelekileyo nezixhobo zokuloba ukuze baxhamle kubutyebi baselwandle obukufuphi.
Izixhobo zokuloba zibandakanya iintonga zokuloba, iintambo zokuloba, iminatha yokumisa, iincakuba ezisicaba kunye neempompo zokufunxa ngelixa izixhobo zokuloba neesuti ezimanzi, abantywili, iimaski, iiglavu kunye neebhatyi zobomi.
Isebe lijonge ukwenza ukuba ookopolotyeni abamnyama bafumane inzuzo enkulu kwezoqoqosho kwimisebenzi yabo yezolimo.
By Anita Qubula.