Abantu abasibhozo badutyulwe babhubha kuhlaselo lwendawo yentselo ngaseKlerksdorp kwiphondo laseMntla Ntshona.
Amapolisa athi ooduladula badubule ngokungalindelekanga kubaxhasi eKanana ngentseni yangoMgqibelo. Isithethi seSAPS uSabata Mokgwabone uthi abarhanelwa bafike kule taveni bekhangela abantu baseLesotho.
Kuye kwabulawa abafazi ababini namadoda amathandathu. Abanye abaliqela benzakala.
“Abarhanelwa emva koko bathatha iCCTV system, imali ethilini kunye ne-Snooker Table. Emva koko bakhuthuza abaxhasi iiselfowuni zabo babaleka kwindawo yexhwayelo,” utshilo uMokgwabone.
Amapolisa asaphanda indawo yexhwayelo. Isizathu asikaqinisekiswa kwaye akukabanjwa mntu okwangoku.