By Asipile Kitchen.
UMphathiswa weSebe lezoThutho eMpuma Kapa uXolile Nqatha ukhuphe isilumkiso esiya kubaqhubi abasebenzisa i-‘Siren’ nezibane eziluhlaza ezidanyazayo ezingagunyanziswanga kwizithuthi zabo.
Banikwe isicelo sokuba bakhethe phakathi kokuzisusa ezi zibane ne-‘Sirens’ okanye bajongane nengalo yomthetho abaqhubi.
UNqatha uthe ezizithuthi zisoloko ziqhutywa ngamadoda azama uzenza abasebenzi bexesha likaxakeka okanye amagosa ogcino-mthetho. Uyalele amagosa ogcino-mthetho ukuba azimise izithuthi ezinezibane ezidanyaza luhlaza okanye iSiren baqinisekise ugunyaziso kuzo.
“Abafunyenwe bekwicala elingalunganga lomthetho bazojongana neziphumo”, utshilo xa ethetha. Asizokwazi ukuba nabantu abazenza abasebenzi bexesha likaxakeka namagosa ogcino-mthetho besoyikisa abaqhubi ezindleleni zethu.”
UNqatha uthe ezi zinzame zokubuyisa umthetho nokuyaleka ephondweni, kuqinisekiswe ukukhuseleka kwabemmi balapha.