By Esona Magawana
Abarhanelwa abahlanu kulindeleke ukuba bavele kwinkundla kamantyi yaseKempton Park malunga nokurhwebesha abemi boMzantsi Afrika ukuba baye kulwa kwimfazwe yaseRussia-Ukraine. Abantu abane, kuquka nowasetyhini omnye, babanjwe kwisikhululo seenqwelomoya iOR Tambo International ngoLwesihlanu kwimizuzwana nje phambi kokuba bakhwele iinqwelomoya esingise eRussia.
NgeCawe, kwabanjwa omnye umntu malunga nolu-lwaphulo mthetho.
Owasetyhini phakathi kwabatyholwa kukholelwa ukuba ebeququzelela uhambo kunye nokugaya abantu emkhosini waseRussia Federation. Ngokutsho kwamapolisa, iwaranti yokukhangela umrhanelwa wesihlanu osele eseRashiya ikhutshiwe.
Amapolisa athi kubanjwe izixhobo ze-elektroniki kunye noobhaka ababini ukuze kuqhutyekwe nophando. Aba barhanelwa abahlanu batyholwa ngokutyeshela uMthetho wokuLawulwa koNcedo loMkhosi waNgaphandle (Regulation of Foreign Military Assistance Act.)
Oku kubanjwa kuza emva kweentsuku emva kokuba uDuduzile Zuma-Sambudla, ilungu lombutho woMkhonto weSizwe (MK),intombi yowayesakuba ngumongameli uJacob Zuma, warhoxa njengelungu lePalamente (MP) ngenxa yokubandakanyeka kwakhe ekurhwebeni elinye iqela lamadoda ukuba lilwe kwimida ye-Russia-Ukraine.