Iqela elidlalela uKolisi laseFrance lidityaniswe neqela loMzantsi.
Kubhengezwe uluhlu lwamaqela ombhoxo azakuba kuzo kwiNdebe i-EPCR Champions phezolo ngoLwesibini umhla wesibini (02) kule inyanga sikuyo.
Kuletumente akuzokubakho qela lizakudlala neqela elikwiligi yalo, iqela ngalinye lizakudlala imidlalo emine (4) namaqela ohlukeneyo kulendebe ka2024/25 kwiChampions Cup.
IDHL Stomers izakudibana ngqo neqela laseFrance nelidlalelwa ngumkhokeli wezitsibabhokhwe uSiyamthanda Kolisi iRacing 92. Yona iVodacom Bulls izakudibana neNorthampton Saints ezinjinga zePremier Championships.
IDHL Stomers ifakwe kuluhlu 4 neenjinga zeVodacom URC iGlasgow Warriors, iqela elikuluhlu lamaqela alishumi elinesine (14) aseFrance iRacing 92 kwakunye neToulom namaqela amabini (2) akwiPremiership iHarliquins neSale Sharks.
IStomers sizakukwazi ukudlala neRacing, iHarliquins, iSale Sharks neToulon.
IVodacom Bulls zona zidityaniswe neMunster, iNorthamston Saints, iSaracens, iStade Francais Paris neCastres Olympique.
Iqela likaJake White neliphele kumaqela asibhozo (8) wokugqibela lizakuqubisana neqela elalidlale nalo kwisizini edlulileyo iNorthampston Saints.
Kwisigaba sesibini(2) seChallenge cup iLions zidityaniswe Nepau, iDragons, iNewcastle Falcons, iMontpellier, neOspreys.
IiCheetahs nezifumene isimemo sokubuyela kwiChallenge Cup zifakwe kuluhlu 1 neLyon, iCardiff, iConnecht, iZebre Parma nePerpinan.
Imidlalo abazakuthi bayidlale izakuphinda ibhengezwe namaxesha neendawo.