Bawelwe ngumqa esandleni abathe bathweswa ngeembasa kumsitho obubanjwe ngecawa ezintsukwini phezolo umhla wesihlanu (05) kulenyanga kaCanzibe 2024, eSun City kwiphondo laseMntla Ntshona.
Lomsitho ubanjwa minyaka le kunjalo nje uwonga abo bathe bagqama kunyaka ngamnye ebanjwa ngawo. Kweli ityeli Amabhokobhoko awole kwanto, uSiya Kolisi inzalelwane yaseGqeberha kwilokishi yaseZwide uphumelele imbasa yokuba liQhawe loNyaka.
Amabhokobhoko ahambe namawonga amathandathu (06) kulomsitho. USiya ukwathathe newonga apho akhethwe ngabalandeli bezemidlalo kulo. UEben Etzebeth ukhethwe ngengomdlali obalaseleyo wonyaka.
Amabhokobhoko atyunjwe njengeQela lezeMidlalo loNyaka. UManie Libbok ufumene iwonga lokuba nguMdlali Omtsha oGqamileyo (Newcomer of the year). Yena Jacques Nienaber umke newonga loba nguMqeqeshi woNyaka.
Umbutho olawula umboxo kweli, iSARU, ichongwe njengowona mbutho uncomekayo nonoburhulumente obungcono kweli. Yena uMark Alexander uchongwe njengoMphathi woNyaka.
Ukhumbule ukuba uLibbok noKolisi zinzalelwane zalapha eMpuma Koloni ngokuqinisekileyo, abalandeli bezemidlalo kweliphondo bayazidla ngabo.