Iqela lebhola ekhatywayo lamantombazana amancinci angaphantsi kweminyaka elishumi elinesihlanu (15) babuye nodumo eZanzibar kwiNdebe yaseAfrika yeZikolo.
Umqeqeshi uNtombifuthi Khumalo wabantwana abancinci abangamantombazana uxol’ intliziy’ imhlophe emveni kokuba iqela lakhe liphumelele umdlalo wamanqam kwiipenalti ngamanqaku amahlanu kwamane (5-4) emveni kokubambana neMorocco ngelinye macala (1-1).
Iqela leli lebhola ekhatywayo lezikolo liphumelele iUnder15 CAFAfrican Schools Football Championships ngempumelelo kumabala iAmaan nebeligcwele limi ngeembambo. Umongameli wombutho webhola ekhatywayo eMzantsi iSouth African Football Association (SAFA) uDanny Jordaan uwahalalisele amantambazana watsho esithi isizwe siyazingca ngabo.
Eli qela liye lagaleleka kwinqwelo ntaka yamazwe ehlabathi O. R.Tambo ngentsimbi yesihlanu phezolo umhla wamashumi amabini anesihlanu (25) kuCanzibe ngomgqibelo. Eli qela lilandela ngqo ezithendeni zeBanyana Banyana abaziinjinga zaseAfrika kumazwe neMamelodi Sundowns nayo neziinjinga zaseAfrika kumaqela aseAfrika.
By Siphiwo Boqwana.