Amapolisa aqalise ukuzingela abarhanelwa emva kokubulawa kwabantu abane (4). Abantu abathathu badutyulwe babulawa KuGompo City.
Iingxelo zidiza ukuba amadoda amathathu adutyulwe abulawa kwinto amapolisa akholelwa ukuba yayiluhlaselo olujoliswe kuyo eDuncan, eKuGompo City, ngoLwesibini ebusuku.
Ngokwamapolisa, amapolisa aphendule kwiingxelo zokudubula kumatyotyombr akwisitalato eJiba, eBhebhelele , eDuncan Village malunga nemizuzu engamashumi amabini emva kwentsimbi yeshumi elinanye (23:20)ebusuku.
Ekufikeni kwawo, amapolisa afumene imizimba yamadoda amathathu, aneminyaka engamashumiamabinianesibhozo(28), amashumi amathathu anesithandathu (36) kunye nengamashumi amathathu anesixhenxe (37) ubudala, enamanxeba amaninzi okudutyulwa.
Isithethi samapolisa aseMpuma Koloni uBrigadier Nobuntu Gantana uthe iikhatriji ezininzi kunye neentloko zeembumbulu nazo zifunyenwe ngaphakathi kwityotyombe.
Ulwazi lokuqala lubonisa ukuba amadoda amathathu kuthiwa angene ngenkani kwityotyombe emva kokulifumana litshixiwe.
“Ingqina lithe umfi wamyalela ukuba ahlale ngaphandle aze abazise ukuba umnini wetyotyombe ubuyile,” utshilo uGantana.
Ngelixa ingqina belilindile, amadoda amane angaziwayo kuthiwa asondele aza avulela ngembumbuli kumaxhoba angaphakathi kwityotyombe ngaphambi kokuba abaleke kwindawo yesiganeko.
Isizathu sokudubula asikaziwa kwaye akukho bani ubanjiweyo
Amapolisa aqalise uphando lokubulala oluphindwe kathathu kwaye acela nabani na onolwazi ukuba eze ngaphambili.
Nabani na onolwazi angaqhagamshelana nesikhululo samapolisa esikufutshane, atsalele umnxeba ku-Crime Stop ku-08600 10111 okanye asebenzise i-MySAPS App ngokungaziwa.
PE Express