Igqwetha leentsapho kwityala lase-Enyobeni licele iNkundla yeSithili yeSixeko saseKuGompo eMdantsane eMpuma Koloni, ukuba ithumele ityala lokubhubha kwabantwana abaselula abangamashumi amabini ananye (21) abasweleke kwithaveni yase-Enyobeni ngenxa yokutshutshiswa, ukulungisa ububi obenziwe ngabanini bethaveni uSiyakhagela noVuyokazi Ndevu kunye nomphathi wangaphambili uThembisa Diko.
Igqwetha uVuyisile Magqabi belithumela amazwi alo okuvala kwityala aliphandayo ukuba ngubani omele abe noxanduva lokubhubha kwaba ababesaze ngobuso ezweni abasweleke kwithaveni yaseKuGompo ngeyeSilimela ka-2022.
Uthi abanini bethaveni basilele ukuqinisekisa ukhuseleko lwabancinci ngelixa bekwindawo yabo.
Uqhube wathi amazwi athethwe nguNdevu ngexesha letyala lokuba abazali babenoxanduva lokukhuseleka kwabantwana babo ayengenabuntu, njengoko yena njengomnini wendawo wamema aba baxhasi abaselula ngesiganeko.
“Ukuba abanini kunye nabaqhubi be-tavern abazange bayitshixe indawo nangona abathengi becela ngamandla ukuba bakhululwe kwindawo ngenxa yesiphithiphithi esenzeka kunye nokufuthaniseleka ababekubo ngenxa yokungabikho komoya omninzi okanye ongenayo kwaphela kwaye ngenxa yokungabikho kongenelelo malunga noncedo lokuqala kunye naluphi na olunye ungxamiseko,” ucacisa uMagqabi.
UMagqabi uqhubeke wathi abasemagunyeni kuquka umasipala waseBuffalo City, amapolisa kunye nebhodi yotywala yaseMpuma Koloni nabo basilele kwimisebenzi yabo yokuqinisekisa ukuba abanini be-tavern yase-Enyobeni bathobela umthetho.