Iqela loNgenelelo leSizwe i-Silapha2 eGqeberha licela uncedo kuluntu ekukhangeleni umrhanelwa ofunwa kwiziganeko ezimbini ezenzeke ngomhla wamashumi amathathu kweyeSilimela ngowama-2024 kwindawo yamapolisa, eBethelsdorp.
Kutyholwa ukuba malunga nemizuzu engamashumi amahlanu emveni kwentsimbi yesithathu ekuseni (03:50) ngomhla wamashumi amathathu (30) kwinyanga yeSilimela 2024, umfi uWayde Bowker (25) wayesesitalatweni saseSweden, eTimothy Vallei, ngethuba edibana nabarhanelwa ababini. Umrhanelwa ebexhobe ngompu efuna imali kunye neeselfowuni kuWayde Bowker.
Ngethuba kuphangwa, umfi uye waxambulisana nabarhanelwa, kwadutyulwa, waza uWayde wabhubhela apho.
Emva koko, abarhanelwa baqweqwedisa imoto yohlobo lwe-Opel Astra emhlophe eyayipakwe esitratweni, kwaye abarhanelwa abathathu abangamadoda kunye nowasetyhini omnye baqhuba isithuthi. Kwi-Opel Astra, ixhoba belilele kwaye belingazi ngobuqhetseba nokuxhwilwa kweenqwelo-mafutha okwenzekileyo. Emva kwentsasa, kwisitalato iSiyavuka, eBooysens Park, iOpel Astra yafunyanwa itshisiwe. Ecaleni kwemoto, bafike uHeinrich Williams (40) enenxeba lokudutyulwa entloko.
Wabalekiselwa esibhedlele, nalapho wabhubha kamva ngenxa yokwenzakala kwakhe.
I-SAPS Bethelsdorp ibhalise amatyala amabini okubulala, njengoko kuqhutywa uphando, bayamanisa ngokufanelekileyo uManelisi “Maneli” Matoto kwizigebenga zokubulala kwaze kwakhutshwa nesigunyaziso sokubanjwa. Kukwatyholwa ngelithi umrhanelwa uyayanyaniswa nezinye iziganeko zokubulala kwisithili saseNelson Mandela Bay.
Amapolisa abongoza nabani na onokuba nolwazi malunga nokuba uphi umrhanelwa ofunwayo (isithombe sincanyathiselwe) ukuba atsalele umcuphi uD/WO Zacharia Phetla ku-067 596 2425 okanye uD/ Sgt Sox Sokanyile ku-082 442 2270 okanye iCrime Stop ku-08600 1010 101 isikhululo samapolisa esikufutshane. Iingcebiso ezingachazwanga zisenokwenziwa kusetyenziswa iMySAPS App.
Zonke iinkcukacha ziyimfihlo, kwaye abafowunayo banokuhlala bengaziwa.