By Asipile Kitchen.
Amalungu eNkonzo yamaPolisa oMzantsi Afrika (SAPS) aphendule kwisiganeko sokudutyulwa kwikhaya elikwilali yakuMazantsi Mpuma eKomani ngentsasa yayizolo, umhla wamashumi amabini anesibini (22) kweyeKhala 2025, nalapho uMnumzana Xoliseka Lali, oyiNtloko kuMasipala waseMalahleni phantsi kwesithili saseChris Hani athe wabhubha khona.
Iingxelo zithi, inkosikazi kamfi izamile ukuqhagamshelana nomyeni wakhe ngentseni kodwa akakhange aphumelele. Exhalabile, wacela usibali wakhe (umntakwabo-mfi) ukuba amkhangele apho ahlala khona.
Ekufikeni kwakhe, umntwakabo-mfi wafika icango langaphambili livuliwe. Ngaphakathi wafika kukho iimbumbulu. Eqhubela phambili ukuya kwigumbi lokulala, wafumana umnakwabo elele ebhedini enamanxeba amaninzi okudutyulwa kumzimba ongasentla nasemqolo.
Unobangela wokubulawa kwakhe awukaziwa okwangoku. Amapolisa asebenza ngenkuthalo ukujongana nendawo yexhwayelo kwaye asaphanda.
Nabani na onolwazi olunokunceda kolu phando uyabongozwa ukuba aqhagamshelane nomnxeba wokunqanda ulwaphulo-mthetho we-SAPS ku-08600 10111 okanye angenise ulwazi angachazi igama lakhe esebenzisa i-MySAPS App.