Inkonzo yesipolisa yoMzantsi Afrika ithi ukuboniswa komsebenzi we-Swift kunye namapolisa kwisithili saseOR Tambo ibambe imipu engekho mthethweni ngeveki ukusukela kumhla wesihlanu ukuya kumhla weshumi elinesibini (5-12) kuCanzibe.kwizigameko ezahlukeneyo. Kusenjalo amapolisa athi oku ziinzame zokubonisa ukuzinikezela kwamapolisa ekupheliseni ukwanda kwemipu engekho mthethweni, ephembelela izenzo zolwaphulo-mthetho ezinobundlobongela eluntwini.
Kumsebenzi wakutsha nje iNgqeleni Vispol kunye neMthatha Crime Intelligence ngoMgqibelo umhla weshumi elinanye kuCanzibe engekho mthethweni afumene imipu emithathu engekho mthethweni yohlobo lwe (Shotgun, riffle kunye ne-9mm pistol) ifunyenwe kwilali yaseLucingweni eHluleka kwidolophu yaseNgqeleni. Ukanti umrhanelwa omnye ubanjiwe kwesisiganeko.
Kwangaxesha-nye ngelixesha lolugqogqo, abakwasidlodlo bagqithele kwilali yaseMjanyane apho bafumene imipu emithathu ze kwabanjwa umrhanelwa. Bobabini abarhanelwa batyatyekwa izityholo zokuba nemipu ngaphandle kweempepha-mvume.
Kusenjalo ngoLwesihlanu umhla weshumi (10) kuCanzibe amapolisa afumene imipu kamazenzele emibini kumzi okwilali yaseMagcakeni Coffee Bay cebukuhle eMqanduli. Kwesisiganeko kubanjwe abarhanelwa ababini abaneminyaka engamashumi asixhenxe anesihlanu kunye namashumi amahlanu anethoba ubudala.
Ukuthinjwa ngempumelelo kwemipu kuye kwaqhubekeka ngoLwesihlanu xa umrhanelwa oneminyaka engamashumi amabini (20) ubudala ethe wabanjwa kuQumbu emva kokufunyanwa komnye umpu ongekho mthethweni. Ukanti eminye imipu emibini ifunyenwe kwilali yaseBityi eMthatha.
Kwiziganeko ezahlukeneyo, abarhanelwa ababini babanjwa kwidolophu yaseFlagstaff kwilali yaseMhlanga ngezityholo zokuthengisa imipu engekho mthethweni i-Mhlanga nethe yagumeka kwilokishi yaseIkhwezi
Umkhomishinala wamapolisa kwisithili saseOR Tambo uNjengele Pumzile Cetyana uqhwabele izandla abakwasidlodlo ngomsebenzi oncomekayo wokuphelisa imipu engekho mthethweni