Amapolisa aseGqeberha athi amapolisa aseKabega abambe abarhanelwa ababini ngezityholo zokubulala nokuphanga ixhego elineminyaka engamashumi amathandathu ubudala kwisitalato iVan Plettenberg eKabega Park ngentseni yangeCawe.
Isithethi samapolisa, uColonel Pricilla Naidu uthi emva nje kobusuku, abarhanelwa, abaneminyaka engamashumi amathathu namashumi amathathu enesibhozo ubudala, bamiswa ze bathi xa begqogqa iibhegi zabo, babhaqa ilaptop, inkonkxa yamayeza, icuba kunye nenyama.
Uthi kwaqhagamshelwana namapolisa kwaye uphando olongezelelekileyo lwakhokelela kwindlu apho bafike umniniyo elele ebhedini.
UColonel Naidu uthi umnini Mzi ufumene inxeba elinzulu entloko kwaze kwafunyanwa izembe ecaleni kwebhedi.
Uthi ukungena endlwini kwafunyanwa ngokuvula ucango lokutyibilika ngenkani.
Bobabini abarhanelwa babanjwe ngamapolisa kwaye bavalelwe ngezityholo zokubulala, ukuphanga indlu, kunye nokuba nezinto ekurhaneleka ukuba zibiwe kwaye kulindeleke ukuba bavele enkundleni kungekudala.