Umphathiswa wesebe lezothutho nokhuseleko loluntu eMpuma Koloni uXolile Nqatha, uncome amalungu esipolisa ahlasele izityholo zokuphanga imali kwindlu ekwilali yakwaKom eQobo-qobo. Amapolisa alandela umkhondo wokuphangwa kwemali okwenziwa ngentseni yangoMvulo umhla wamashumi amabini anethoba (-29) kweyeKhala kuhola wendlela uN6 phakathi kweMonti neKomani.
Ekufikeni kwabo kulo Ndlu kwilali yakwaKom, amapolisa ahlangabezene neembumbulu ezidubula ngakuwo ngabarhanelwa. Emva koko, kwadubulana, kwaye abarhanelwa abahlanu benzakala ngokumaxongo logama Onke amalungu esipolisa akhange afumane ko konzakala ngexesha lokudubulana.
UMphathiswa uNqatha uwaqhwabele izandla amalungu lamapolisa ngomsebenzi wawo “wokukhusela umthetho”. UMphathiswa oHloniphekileyo uncome lamalungu ngobugorha bawo bokunganikezeli kwizaphuli-mthetho eziye zaya ziqaqadeka kwaye zibajongela phantsi.
Amapolisa aye abhaqa imipu, iimagazini, iziqhushumbisi neebhegi ezizele yimali endlwini.