Abarhanelwa abalithoba ebebexhobile baphange iilori zokuThutha; Oonogada bacela kwabanetsente.
Impendulo ekhawulezileyo yamaPolisa ikhokelele ekufunyanweni kotywala kunye neelori ezimbini ngoLwesine, umhla we-06 kuJuni 2024 eMisty Mount, ngaphandle kweMthatha.
Abarhanelwa abaxhobileyo abalithoba baathimba isithuthi sokhuseleko eMthatha CBD, ebesikhapha iilori zokuhambisa utywala. Endleleni, zombini ezi lori ziphangwe ngabarhanelwa besebenzisa isithuthi sokhuseleko eziphangiweyo kwazona, logama oonogada bebotshiwe bafakwa ngasemva kwesi sithuthi. Ngethuba kuphangwa, oonogada bakwazile ukubaleka bengonzakalanga baza baxelela amaPolisa.
Amalungu amapolisa aqhotyoshelwe kwiLibode neTsolo SAPS, namaGosa oGcino Cwangco kwakunye neMthatha Flying Squad abhaqe iilori kwindlela yegrabile kufuphi neMisty Mount kwaye abarhanelwa bebexakekile bekhupha kwaye xa bebona amapolisa babaleka besebenzisa isithuthi sokhuseleko ze abanye babalekela ehlathini. Kuqhutywe udubulo phakathi kwamaPolisa nabarhanelwa kungekho monzakalo kwaye akukabanjwa mntu, kwaye uphando luyaqhuba
Nabani na onolwazi olunokuncedisa ekubanjweni kwabenzi bobubi ukuba atsalele inombolo yeCrime Stop ku-08600 10111.
Zonke iinkcukacha ezifunyenweyo ziya kuphathwa njengemfihlo, kwaye abafowunayo banokukhetha ukuhlala bengaziwa.
By Ongeziwe Ntondini.