Amadoda amabini atyholwa ngokubulala indoda eneminyaka engamashumi amathandathu ubudala yaseKabega Park eGqeberha asilahlile isicelo sawo sebheyile.
U-Ivan Pokbas, 38, kunye noRiaan Potgieter, 32, bavele ngokufutshane kwiNkundla kaMantyi yesixeko ngoLwesibini.
Urhulumente utyhola ngelithi benze ngeenjongo ezifanayo ngethuba bebulala uLindsay John Humm emva kokuqhekeza umzi wakhe eVan Plettenberg Street ngentseni yangeCawe.
Kuthiwa bangene endlwini ngokuvula ngenkani ucango olutyibilikayo.
Amapolisa afumanisa umzimba kaHumm enenxeba elinzulu entloko.
Ipiki (Pickaxe) ekutyholwa ukuba yayisetyenziselwa ukumbulala yabhaqwa ecaleni kwebhedi.
Ngaphandle kokubulala, abatyholwa akwajongene nezityholo zokuphanga esebenzisa imeko embi, ukuqhekeza ngenjongo yokuba, nobusela.
Amalungu omkhosi waseKabega abambe abarhanelwa babini kamva ezinzulwini zobusuku.
Bathe xa begqogqa iibhegi zabo babhaqa iimbasa, ukutya, amayeza, icuba, kunye nebhegi yelaptop enelaptop kunye netshaja yayo.
Uphando olongezelelweyo ngamapolisa lwakhokelela ekufumaneni umzimba kaHumm.
Ityala lihlehliselwe umhla wesibhozo kwinyanga yoMnga ukuze kuqhutyekwe nophando.