18.2 C
King William's Town
Wednesday, May 22, 2024

Babanjelwe ubuqhetseba zii Hawks ipolisa kunye nomgaleli wepetula eBizana

Ibutho looKhetshe eMpuma Koloni libambe ipolisa elinamashumi amabini anethoba (29) ubudala kwakunye noneminyaka engamashumi amathathu anesithandathu (36) obesebenza njengomgaleli we Petrol ngezityholo zobuqhophololo eBizana.

Isithethi sookhetshe uWarrant Officer Ndiphiwe Mhlakuvana uthi kutyholwa ukuba ipolisa liye lasebenzisana nomgaleli wepetroli ukuba basebenzise ngobuqhophololo ikhadi lepetroli lamapolisa ukuzalisa isithuthi sikarhulumente.

“Ngomhla weshumi elinesithathu kweyeSilimela ngo2023, kutyholwa ukuba ipolisa lathatha isithuthi samapolisa sasisa kwigaraji yasekuhlaleni ukuya kugalela amafutha, emva koko kwafunyaniswa ukuba ipolisa lenze iyelenqe nonomsebenzi wasegarage ukuba lisebenzise ubuqhophololo ikhadi lepetroli enze ngathi ugcwalisa isithuthi sikarhulumente,” utshilo uMhlakuvana.

Aba babini batyholwa ukuba baqulunqa le ntengiselwano yobuqhophololo kwisixa-mali esiyi-R1269-90 kwaye kwaphinda kwadizwa ukuba abarhanelwa bazalisa isithuthi samapolisa ngesixa-mali esingama-R869-90.

Ngethuba kuhlolwa isithuthi, kwafunyaniswa ukuba urhulumente ulahlekelwe yi-R400.

UMhlakuvana uthi uphando lubonise ukuba bobabini abatyholwa baxhamle ngokulinganayo kule mali.

Aba babini babanjwe ngoLwesine kwaye bazakuvela okokuqala kwinkundla yengingqi yaseMthatha ngoLwesihlanu.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
scattered clouds
18.2 ° C
18.2 °
18.2 °
60 %
2.3kmh
29 %
Wed
26 °
Thu
22 °
Fri
16 °
Sat
22 °
Sun
20 °

EZITHANDWAYO INDABA

Enable Notifications OK No thanks