Izigulane ezimbini bini ezibhinqileyo ebezikhweliswe yinqwelo yezigulana besiwa kwisibhedlele saseMpuma Koloni basweleke kwingozi yemoto ebibandakanya enye imoto karhulumente wephondo.
Isebe lezempilo ephondweni lithi le ngozi yenzeke kuhola wendlela uR-61 phakathi kweCofinvaba neKomani ngenjikalanga yangoLwesine.
Isithethi sesebe, uSizwe Kupelo, uthi abaguli bebesiwa kwisibhedlele iFrontier, babhubhele kwindawo yexhwayelo.
Uthi abasebenzi beAmbulensi, indoda nebhinqa, bonzakele kakhulu kwaye kunyanzeleke ukuba bakhululwe kulo mbhodamo besebenzisa imihlathi yobomi.
Umqhubi wesinye isithuthi sesebe loPhuhliso lwamaPhandle noHlaziyo lwezoLimo naye ufumene umonzakalo omandundu kule ngozi.
Ityala lokubulala ngokungenhloso lizakuphandwa ngamapolisa aseBolothwa