Ibutho looKhetshe eMpuma Koloni lithi uMlawuli waManzi nogutyulo kumasipala wesithili iOR Tambo uAndile Vellem kwakunye noMlawuli weProject (Project Manager) uMawethu Mthengwana bavele enkundleni izolo elinye umhla wama 31 July 2023 ngezityholo zobuqhophololo kwimali engange R168 million.
isithethi sebutho looKhetshe eMpuma Koloni uKapteni Yolisa Mgolodela, uthi aba babini babanjwe izolo elinye ngezityholo zobuqhophololo, urhwaphilizo, ukwaphula umthetho iMunicipal Finance Management Act, kunye nePrevention of Organised Crime Act. Uthi omnye owayetyholwa naye, nowayesakuba nguManejala kaMasipala, u-Owen Hlazo, wabhubha ngonyaka ka-2021 lo gama umrhanelwa wesine engekabanjwa.
UMgolodela ukwathe oku kubanjwa kubangelwe luphando lweprojekthi yeCovid19 apho amanzi acocekileyo ebefanele ukusiwa kwiilali ezikwisithili sase-OR Tambo nalapho kwanikezelwa ngeethenda zokwakhiwa kwamadama amanzi. Uthe ibutho looKhetshe lafumene isikhalazo ngoJuni, ka-2020 ngezityholo zobugwenxa malunga neekhontrakthi ezithile, iintlawulo ezingekho mgaqweni, iintlawulo zeenkonzo ezingenziwanga.” “Amanye amashishini kutyholwa ukuba abolekise ngemali kwasekuqaleni kwaye iinkonzo ziye zaphela zingabonelelwanga,” utshilo uMgolodela, esongeza ukuba uMasipala weSithili sase-OR Tambo “ubonelelwe ngemali engaphezulu kwe-R168 yezigidi zeerandi.”
UVellem noMthengwana bavele kwinkundla yamatyala eMthatha Specialised Commercial Crimes baza bakhululwa ngebheyile yeR10 000 umntu emnye, ityala lahlehliselwa umhla wamashumi amabini anesithoba kuAgasti. Uthe kuzakubanjwa abanye abantu