Bathandathu(6) ababhubhe ngokumasikizi kwiingozi ezimbini ezahlukeneyo nezenzeke izolo.

Abantu abathandathu(6) babhubhile ngelixa abasixhenxe(7) befumane umonzakalo kwiingozi ezimbini ezahlukeneyo nexenzeke kweliphondo leMpuma Koloni izolo.

Kwingozi yokuqala, ngabantu abane ababhubheleyo ngelixa abane nabonzakele entloko kwingozi eyenzeke kuhola wendlela uN2 phakathi kwePeddie neMakhanda. Imoto yohlobo lweToyota Avanza ebikhwele abantu abasixhenxe ingqubane neveni yezokhuseleko yakwaFidelity inamagosa amabini angamadoda asuka eRhini besingise ePeddie (Ngqushwa).

Abantu abane, kuquka nomqhubi babhubhile kwiAvanza. Abahlanu kuquka nabo bebekhwele kwiveni befumene umonzakalo ze babalekiselwa esibhedlele eMakhanda.

Kwenye ingozi eyenzeke kuR61 phakathi koMthatha naseNgcobo, ngabantu ababini baphulukene nobomi babo kwabathathu. Imoto yohlobo lwe-VW enamadoda ama-4 abadala ingqubane nelori encinci. Amadoda amabini abekhwele kwiVW Polo (umqhubi nomkhweli ongemva) abhubhele kwindawo yexhwayelo. Abanye abantu aba-2 balo polo baye babalekiselwa esibhedlele saseMthatha, logama umqhubi weloli ephume  engenakonzakala.

Ukuqhuba ngokungakhathali kukhankanywe njengowona mba unegalelo kuzo zombini ezi ngozi. Amatyala okubulala ngokungenanjongo avuliwe ukuze kuphandwe.