13.6 C
King William's Town
Wednesday, April 3, 2024

Bavele enkundleni abarhanelwa abatyholwa ngokudubula uceba waseKouga

Ezimisele ukujongana nabatyholwa ngompu ababezama ukumbulala, uceba weDA uvele kwiNkundla kamantyi eHumansdorp ngoMvulo, eneembumbulu ezine kwezisixhenxe ezimbethileyo zisahleli ngaphakathi emzimbeni wakhe.

Uceba wakwaWadi 4 uJaques Alexander ugaleleke enkundleni kwiiyure nje ezingephi emva kokuba ephumile kwisibhedlele saseGqeberha wahlala kwindawo engaphambili kwindawo yokuhlala uluntu, nalapho ebenombono ocacileyo ngabatyholwa abamdubule.

UAlexander udutyulwe wonzakala ngaphandle kwekomkhulu likaMasipala waseKouga kwindlela iDa Gama ngenjikalanga yangoLwesine.

Uxelele abeendaba ukuba ufike eofisini ngentsimbi ye-15:45 kwaye weva izithonga zompu xa wayegobile ezama ukufumana iselula yakhe ekwitshaja yemoto.

“Oko mhlawumbi kwabusindisa ubomi bam, kuba ndathi ndakujonga phezu kwegxalaba lam ndaqonda ukuba ndiyadutyulwa.

“Xa ndivula ucango ndazi ngokuqinisekileyo ukuba ndidutyulwe.

Amapolisa abambe abarhanelwa abane malunga nokudubula, kwangolo suku lunye.

Ngethuba bevele okokuqala enkundleni ngoMvulo, uMthumzi Lani, uLutho Mbatha, uLuciano Jacobs, noAthenkosi Gidane babekwe amatyala okuzama ukubulala nokuxhwila imoto.

Bonke abatyholwa baza kuncediswa ligqwetha leLegal Aid South Africa kummandla waseHumansdorp.

UAlexander uthe uzimisele ukuza enkundleni ukuze ajongane nabahlaseli bakhe.

“Ndifuna ukubajonga ebusweni babo.

“Into endifuna ukuyazi yeyokuba bayenzele ntoni loo nto, bathunyelwe ngubani, kwaye bahlawulwe malini ukuzama ukuphelisa ubomi bam.

Nangona iinzame zangoLwesine zokuphelisa ubomi bakhe zamothusa uAlexander, wayekhe wafumana izoyikiso kwixesha elidlulileyo.

“Ndifumene umyalezo ondigrogrisayo kwiinyanga ezimbalwa ezidlulileyo kwisithuthi sam apho kukho umntu obhale wathi ‘Rest in Peace’ kodwa andizange ndiyithathele phezulu lo nto,” utshilo.

Nangona ingekaziwa eyona njongo yolu hlaselo, iDA iqikelele ukuba olu hlaselo lungaqhutywa ngokwezopolitiko.

“Ukuba le ibiyipolitiki ndifuna ukuthumela umyalezo kwabo bantu bacinga ukuba bangandibulala.

“Andiyi kuyeka ukukhonza abantu bam, esi sehlo sindikhuthaze ngakumbi ukuba ndikhonze abantu baseKouga,” utshilo.

UMbuso ucele ukuvalelwa ukuze kuqinisekiswe iprofayili yebheyile yabatyholwa.

Abatyholwa bazakuphinda bavele enkundleni ngomhla wesibhozo kweyoKwindla.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
few clouds
13.6 ° C
13.6 °
13.6 °
85 %
2.1kmh
15 %
Wed
26 °
Thu
34 °
Fri
18 °
Sat
14 °
Sun
15 °

EZITHANDWAYO INDABA

Enable Notifications OK No thanks