Imeko ngoku ixhomekeke kwiDemocratic Alliance (DA) ukuba ithathe isigqibo sokuba iqhubele phambili na nenxaxheba yayo kurhulumente womanyano lwesizwe (GNU).
Ngokwengxelo yeendaba ze-Eye Witness News, imeko ngoku ixhomekeke kwiDemocratic Alliance (DA) ukuba ithathe isigqibo sokuba iqhubele phambili na nenxaxheba yayo kurhulumente womanyano lwesizwe (GNU). emva kwesiphakamiso sokugqibela sokuba amasebe amathandathu azakusuka kuMongameli Cyril Ramaphosa.
I-DA ithe yathumela imbalelwano kuRamaphosa kutshanje ifuna ubuncinane bezithuba zeKhabhinethi ezilishumi elinesibini (12), kwakunye nokugxothwa kwabalawuli jikelele kumasebe azakubanjwa ngamalungu ayo.
IDA nayo ibibeke iliso kwisikhundla sikasekela mongameli.
Emva kweentsuku ezintathu zongquzulwano phakathi kweDA neANC, iANC ibeke isiphakamiso sokugqibela etafileni, ekufuneka sihlahle indlela yokusekwa kwesigqeba solawulo.
NgoLwesithathu umhla wamashumi amabini anesithandathu (26) ebusuku, uRamaphosa uye wanxibelelana neDA, emva kokuzama ukulawula ukutyhalela phambili kwinkampu yakhe ngesigqibo sakhe.
Kubonakala ngathi uRamaphosa uzinzile ngokunika iDA izikhundla ezithandathu kunye namasekela asixhenxe, ngelixa Inkatha Freedom Party (IFP) izakufumana ezintathu kanti iPatriotic Alliance (PA) kunye neGood Party kuzakwabelwa omnye umntu.
Oku kuthetha ukuba izikhundla ezilishumi (10) kwiKhabhinethi eziza kukhutshwa zizakunikwa abachasi beANC.
Kwaye nangona ileta eyabangela isidubedube kumakhasi onxibelelwano ifuna utshintsho lwabaLawuli Jikelele kumasebe achaphazelekayo, kuyaqondakala ukuba yayiyimpazamo kwaye kwakungamelanga nokuba ibekwe etafileni.
URamaphosa kulindeleke ukuba acacisele amahlakani eANC phambi kokuba abhengeze isigqeba sakhe solawulo.