Umqhubi weebhasi zemigama emide zakwa-InterCape uthi amapolisa ngoku kufuneka aphendule ePalamente ngokuthandabuza kwawo ukuphuhlisa isicwangciso sokukhusela abakhweli nabaqhubi babo kuhlaselo lobundlobongela.
Le ngxelo ilandela impumelelo ye-InterCape kwiNkundla ePhakamileyo yaseMakhanda kwiveki ephelileyo.
Inkundla isikhabile ngeendleko isicelo sikaMphathiswa wezoThutho eMpuma Koloni, iNkonzo yesiPolisa yoMzantsi Afrika (SAPS), kunye noMkomishinala weNkonzo yesiPolisa yoMzantsi Afrika sokubhena kwisigwebo senkundla ephakamileyo yangaphambili. Esi sigwebo sabayalela ukuba benze isicwangciso sokukhusela abaqhubi beebhasi nabakhweli.
Ingqonyela ye-InterCape uJohann Ferreira uthi:
“Ndicinga ukuba baphelelwa ngamathuba kwaye ndicinga ukuba bafikelele esiphelweni sendlela. Le ibaluleke kakhulu ngoku kufuneka bafake eso sicwangciso sokhuseleko, abazame ukungakwenzi, kwaye baya kuba phambi kwekomiti yepotfoliyo yamapolisa ePalamente ngomhla wamashumi amabini nanye (21) kweyeThupha 2024.
Ukwathe ucinga ukuba kufuneka baqale ukucacisela iPalamente ukuba kutheni bethandabuza ukufaka esi sicwangciso kwaye bathathe amanyathelo.
By Anita Qubula.