16.2 C
King William's Town
Tuesday, May 21, 2024

I-Makana yelinye lamabhunga asekuhlaleni ali-16 abonwa njengengazinzanga ngokwasezimalini

Oomasipala abalishumi elinesithandathu kwabangama-39 eMpuma Koloni bajongwa “njengabangazinzanga ngokwasezimalini.” kwiphondo leMpuma Koloni.

Oku kudizwe nguMphathiswa weSebe leNtsebenziswano kuRhulumento neMicimbi yeMveli uZolile Williams, ngethuba ephendula imibuzo yombutho iDemocratic Alliance kwiNdlu yoWiso-mthetho eBhisho.

Ngokuka-MEC, aba masipala baye bachongwa ngokwendlela abaqhuba ngayo kwiintsika ezine; uzinzo, impilo yezemali, ulawulo, unikezelo lwenkonzo nozinzo lweziko.

UWilliams uthe bahlanu oomasipala abachongiweyo ukuba bangenelele ngokuka Section 139(5) kuMgaqo-siseko kwaye aba ngooMasipala beSithili iAmathole, Chris Hani kunye ne-OR Tambo kwakunye nooMasipala baseKhaya iMakana neWalter Sisulu.

UMphathiswa weCogta uphawule ukuba ngoomasipala ababini kuphela, i-Amathole neMakana, abathe baphumeza izicwangciso zokubuyisela imali kwaye “iintshatsheli zendlela yokusebenza” ziye zaqeshwa.

UMphathiswa uWilliams uthe uNondyebo weSizwe wonyule “abacebisi” kwabanye oomasipala ababini ukuba baphuhlise izicwangciso zokubuyiselwa kwemali, kodwa umhla obekiweyo kaJuni awuzange uphoswe.

Lihlomla, iLungu lePalamente leDA, uGqirha Vicky Knoetze, uthe iminyaka yolawulo gwenxa, ukusasazwa kwamaqela, kunye nokuchithwa kwemali ngurhulumente wephondo ukuze kugcinwe kwaye kuphuculwe iidolophu ezincinci kubabeke kwindlela yomonakalo.

Uthe amanyathelo angxamisekileyo kufuneka athatyathwe ukuhlangula “oomasipala bethu kunye needolophu ezincinci ezishiywe ukuba zizikhusele njengoko zingena kuxinzelelo olupheleleyo lwemali.”

“Iidolophu ezincinci ezifana neMakhanda, iCradock, iKomani neGraaff-Reinet, iTsitsikamma, kunye neLangkloof zineminyaka zibonwa njengamatye anqabileyo eMpuma Koloni. Ngoku, bayasokola ukugcina izibane zikhanya ngenxa yeminyaka yolawulo olugwenxa kunye nokungahoywa, utshilo.

Lo kaKnoetze uthi bahlaba ikhwelo kurhulumente wephondo leMpuma Koloni, ingakumbi umphathiswa weCOGTA kunye neNkulumbuso uOscar Mabuyane, ukuba angenelele ngokukhawuleza ancedise aba masipala ngokwesiqendu 154 soMgaqo-siseko.

“Sifuna ungenelelo olukhawulezileyo ukuba sifuna ukuhlangula eli phondo ekuweni ngokupheleleyo kokuhanjiswa kweenkonzo.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
clear sky
16.2 ° C
16.2 °
16.2 °
90 %
0.5kmh
0 %
Tue
16 °
Wed
26 °
Thu
23 °
Fri
16 °
Sat
20 °

EZITHANDWAYO INDABA

Enable Notifications OK No thanks